The EGIDS Scale

Read the original (Translation starts from p.11, "ASSESSMENT OF EGIDS LEVELS")
Translated by Nalvai in March 2025

Note: This translaiton is not complete!

ni'o ni'o pajni tu'a lo gradu be la'oi EGIDS

ni'o lo ca tcini be lo bangu cu ka'e jai se pajni ta'i lo nu dafyfa'i so'o ralju preti be lo by. cecmu nunpli .i le li pa pixra cu jdice ricycartu gi'e gidva fi lo lanli jo'u pajni purce .i le jdice ricycartu zo'u mu po'o da preti .i le re cnita traji gradu zo'u banzu fa lo po'o danfu be lo pa moi preti .i le vo galtu traji gradu zo'u sarcu fa lo nu dafyfa'i lo pa moi preti .e lo re moi preti .i le na pu se mlauca zo'u lo nu dafyfa'i ci po'o preti cu sarcu lo nu pajni tu'a lo me'oi EGIDS gradu .i lo nu dafyfa'i lei preti cu se sarcu la'a lo mutce nu lanli .i ku'i le pruce cu se steci gi'e jai ta'i cumki fai lo nu mulno je sutra ke klesi pajni tu'a ro lo bangu pe le munje .i la'e di'e cu tordu ve skicu ro le ralju preti

ni'o ralju preti pa mai .i ma ca sevzi te pilno le bangu .i vo da ka'e danfu di'u .i me lo go'i fa la citri .e la kulnu .e la zdani .e la kampu

ni'o la citri .i le bangu cu ca ve tavla fo no da .i ji'a no da poi cecmu zo'u zu'e da da le bangu cu ckini co sevzi bangu .i ba'o ku le bangu cu se pilno su'o lo girzu su'o da .i le bangu cu ja'i pa no va'e la'oi EGIDS to morsi toi

ni'o la kulnu .i le bangu cu ca jbebau no da .i ku'i mu'a la'a cu'i so'o da co'a se bangu .i mu'a la'a cu'i le bangu cu se pilno fi tu'a po'o lo klusni .a lo ritli .i le bangu cu ja'i so va'e la'oi EGIDS to cando toi

ni'o la zdani .i le bangu cu se pilno su'o so'o da va'o tu'a lo zdani lo fadni je voksa nu casnu .i la'e di'u zo'u lo nu le bangu cu canci ja ranji farvi cu ralju fi tu'a lo nu pajni tu'a lo gradu be la'oi EGIDS .i .e'o do tcidu la'e lu ralju preti ci mai li'u

ni'o la kampu .i mu'i gi so'o da te smuni lu kampu bangu li'u la'e zoi gy. lingua franca .gy gi mi te smuni zo kampu tu'a lo nu le bangu cu jai se pi'o kakne fai lo vrici be tu'a lo jbebau lo ka casnu .i ca'e ga nai lo bangu cu ckaji la kampu gi pilno by. tu'a lo re moi bangu fa lo na cmima be lo se jbebau cecmu .i le sevzi te pilno pe le bangu cu bancu fi lo diklo cecmu poi traji co ckini le bangu .i so'u bangu to mu'a lo bangrxangu .e lo ponbau toi zo'u pi ro lo natmi gugde cu se kampu ra'u tu'a lo kampu sevzi jo'u kulnu .i ja'e bo kampu ki'u lo du'u le bangu cu se pilno so'a prenu tu'a so'a tcini .i va'o da'i gi cuxna le dei danfu gi lo nu dafyfa'i la'e lu ralju preti re mai li'u cu sarcu lo nu pajni tu'a lo gradu be la'oi EGIDS